sekundnlaunge augnblicke
gleichklaung in da wöen
tannennådln in da auslåg
seit ewig launga zeit vaschtöt
im trommirythmus da gebetsmühln
bandln wahn a saunfta wind
leisa åtm deina lippn
schtreicht aus deim innan üwa mei gsicht
wie traubennektar die begegnung
åwa aungst voa liebe und aungst alla
zedanduft und zoate segnung
lächln åis a träne gmant
im moagngrau und åbendrot
vaschmoizn mit'n weissn mond
is jedazeit a ewigkeit
füa a heaz in einsaumkeit