dei aungst de du voa messa håst
is afåch zum eakläan
i woit dei bluat in meine adan gschpian
wëu mei eigane famüli woa zum rean
i woit a ewige bande schåffn
zwischn mia und meine freind
z'vü haum scho mei daham valåssn
und du håst aungst ghåbt voa meina messa schneid
i woit ma daduach sicha sei di di i måg bleim då
und wås håt ma gnutzt de sichaheit
waunnsd du ned heast mei rots heaz schlågn
jetzt siach is aundas wia åis junga bua
drei moi håst mi beschissn dea hauh gibt imma no ka rua
hinta vaschteckta haund håst imma ållas gsågt
wås neamt wås augëht nua dia håb i vatraut
bei meina eastn frau und bei da kiwarei
wo du mia gsågt håst dei naum ned fåit
håst gsunga wia a leachal im wåid
zum schluß håst glogn
håst daunn vasuacht di aussi z'putzn
då håt des wåssa pläat voa lauta unschuidstropfn
deine händ san bluadig heit a ohne meina messa schneid