schpuan vo deim auto
in da eadn hinta meim haus
du mit deim låchn
dahinta schmeaz und aungst
muaß da gleichklaung da gefühle
eakämpft wean mit'n kopf
soi wieda schtåt da woan liebe
de sehnsucht fåin ins schwoaze loch
nua hin und wieda wia a feda
so leicht und schwerelos des lem
du schau ins liacht
und d'schåttn schwindn
vagiß des gestan schau aufs heit
gëh afåch nua üwa dei denkn
und schlåg a schnippchen deina zeit
nua hin und wieda wia a feda
so leicht und schwerelos des lem
i siach di waundln wia an zeitgeist
und da wind waht leise kumm
a göewe blume auf meim schreibtisch
a schena gruaß vo unsara sun